Денеска од 18.30 часот во Доха за титулата на Светското клупско првенство ќе играат екипите на Фламенго и Ливерпул.

Најдобриот бразилски клуб кој во полуфиналето беше подобар од Ал Хилал, ќе се обиде да го изненади фаворитот на хартија, европскиот шампион предводен од германскиот менаџер Јирген Клоп.

Десет млади фудбалери загинаа на 10 февруари оваа година во пожарот кој изби во тренинг центарот за млади селекции на Фламенго во Рио.

Тоа е најголемата трагедија во 124 годишното постоење на клубот. Затоа за оваа завршна фудбалска битка против „црвените“ посебно мотивирани се играчите на Фламенго:

– Смртаа на тие млади играчи е голема трагедија, 10 млади го загубија животот во пожарот. Во мислите сме секогаш со нивните семејства и доколку ја освоиме титулата, за нив ќе биде посветена. Никогаш нема да бидат заборавени. Тоа е навистина тажна приказна и за нас е голема инспирација и мотивација – вели капитенот на Фламенго, Евертон Риберио.