ФК Вардар со мисија годинава да се врати во Првата лига

фк вардар
Скопските „црвено-црни“ со цел да се вратат во Првата лига/Фото: Kocho S. Photograpfy/ facebook.com/FKVardarSkopje

Денеска фудбалерите на Вардар ги стартуваа подготовките за пролетниот дел од натпреварувачката сезона 2021/2022.

Првиот дел од подготовките ќе биде во Скопје и акцент ќе биде ставено на физичкиот аспект.

А на 24 јануари фудбалерите заминуваат во Анталија (Турција) за вториот дел од подготовките каде што ќе се играат и контролни натпревари.

Сите фудбалери се максимално мотивирани и подготвени за исполнување на зацртаните цели за оваа сезона.

Потсетување дека на почетокот од 2022 нов член на „црвено-црните“ стана Дарко Мицевски кој потпиша договор на четири и пол години.

Моментно во Втората лига – Запад Вардарци се на третата позиција со 29 бодови, два помалку од второпласираната екипа на Воска Спорт, а водечки е Силекс (41) кој ита кон елитата.

Видео на денот