Од фудбалскиот клуб Беласица најавија дека по повод 100 годишнината од формирањето на струмичката гордост, ќе бидат изнесени големи новитети.

Една од тие новитети е спојувањето на ФК Беласица со фудбалскиот клуб Академија Пандев предводен од поранешниот македонски репрезентативец Горан Пандев.

Ваквите информации не ги коментираат од ФК Академија Пандев, и засега ги сметаат за неофицијални.

„Пандевци“, како вицешампиони на нашата земја, ова лето треба да настапат во квалификациите на Лигата на конференции.

В четврток (7 јули) Академија Пандев ќе го игра првиот натпревар ротив Лехија Гдањск во Полска (20.15 часот).

– Академија Пандев за точно четири денови по втор пат во својата 12-годишна историја ќе настапува во квалификациски меч од европските клупски натпреварувања. Ние сме целосно фокусирани за што подобра презентација на македонскиот фудбал против еден многу силен и сериозен противник, полскиот тим Легија Гданск. Клубот е сто проценти насочен кон исполнување на нашите идеи и визија, па секоја информација што е надвор од нашиот европски настап, изјавуваме дека е неофицијална и не е вредна за коментар – соопштуваат од ФК Академија Пандев АД Струмица.