Светскиот шампион во тешка категорија во ВБЦ верзијата, Дионтеј Вајлдер и неговиот противник Тајсон Фјури за малку ќе имаа физичка пресметка пред прес-конференција во Лас Вегас.

Двајцата лути ривали застанаа еден кон друг и почнаа да си кажуваат нешто в лице. Ова траеше околу една минута, по што Американецот го турна Британецот, по што на ист начин возврати Фјури.

– Јас те доведов тука. Каде беше претходно? На кокаин, пред самоубиство…Јас го нахранив твоето семејство, доколку ме нема мене, не би бил и ти тука. Тоа никогаш не го заборавај – беа зборовите на Вајлдер, актуелниот шампион, за Фјури.

Wilder and Fury exchange pushes! ?

This is fight is going to be ?#WilderFury2 | Feb 22 | BT Sport Box Office pic.twitter.com/7Bplq7IUj4

— Boxing on BT Sport ? (@BTSportBoxing) February 19, 2020

Фјури после сензационалната победа над Владимир Кличко, под влијание на наркотици и алкохол, падна во тешка депресија, но успеа да се извлече и се врати во рингот.

– До мечот против мене, се бореше против послаби, јас те направив ѕвезда. Лас Вегас е мој дом, тука јас сум крал. Втора рунда и „бум“, готов си – возврати Фјури.

Веднаш реагираа членови на боксерските тимови и лицата од обезбедувањето кои спречија тепачка.
Битката помеѓу Вајлдер и Фјури ќе се одржи на 22 февруари во Лас Вегас.

34-годишниот Вајлдер има 42 победи и 1 реми. Од друга страна, 31-годишниот Фјури има 29 победи и 1 реми.

Првата борба меѓу нив се одржа на 1 декември 2018 година и заврши нерешено.