Како најдобра, наедноставна и наефективна алтернатива, повеќето експерти предлагаат спорт кој физички не е многу напорен, а истовремено нè опушта-пливање.

Нема потреба да чекаме да дојде лето, доволно е да посетиме некој затворен базен, а останувањето во вода само три пати во неделата по половина час до час ќе направи чудо за нашиот имунитет. Луѓето кои практикуваат ваква активност имаат поголем број на бели крвни зрнца кои се важни за борба против инфекции и вируси.

Според  истражувањето спроведено на Универзитетот во Торонто, направено на 1.800 испитаници од 18 до 80 години, пливањето нè штити од вируси. После тримесечно редовно пливање во текот на зимата, утврдено е дека ниту еден од учесниците не бил настинат, што не треба да ни е чудно, ако знаеме дека овај спорт има корисен ефект на целиот организам.

Движењата во вода, меѓу другото, имаат корисен ефект на работата на срцето и крвниот притисок, го подобрува капацитетот на белите дробови, го намалува ризикот од мозочен удар и дијабетес од типот 2, го намалува чуството на „тежина” во нозете, позитивно влијае на линијата.

Важен фактор за добар имунитет е и отсуствотот на стрес, а пливањето во таа смисла е во предност над сите останати спортови, затоа што има медитативен ефект. Всушност, тоа нè ослободува од стрес, затоа што во водата помалку се лачи хормонот на стрес кортизол, а повеќе – хормонот на среќа енрдофин. И што е најважно, овај ефект трае и по неколку часа после пливањето.

Значи, доволно е само да запливате, и така да ги намалете на минимум шансите да добиете некој вирус.