Фирмите може да аплицираат за февруарска помош цел март
Законот за финансиска помош за фирмите за исплата на плати не е поставен на дневен ред во Собранието, но вицепремиерот Фатмир Битиќи ги смирува компаниите со образложение дека аплицирањето за помошта, овој пат, место до 10-ти во месецот ќе биде цел март.
– Поради блокадата во Собранието го изнајдовмне ова решение. Знам дека тоа ќе значи дека фирмите треба треба прво да издвојат пари, а потоа да ги добијат назад од државата. Но, поинаков модел нема. Тоа е цената на демократијата. Ние сме извршна власт, а Собранието е законодавна – рече Битиќи на средбата во Стопанската комора која тој и министерот за финансии Фатмир Бесими ја одржаа со претставници на повеќе компании.
Министерот Бесими потенцираше дека предлог – законот за финансиска помош е даден во Собранието уште пред 15-тина дена, но дека има и многу други економски закони предадени уште во ноеммври, а кои чекаат на ред.
Претедателот на Стопанската комора Бранко Азески апелираше до пратениците да не ги кочат законите во Собранието затоа што така и нанесуваат удар на економијата.