Екипата на Ливерпул можно е на гостувањето кај Барселона во првиот полуфинален натпревар во ЛШ да биде ослабена со неиграњето на Роберто Фирмињо, кој се пожали на повреда на бутниот мускул.

– Фирмињо тренираше во четвртокот сосема нормално. Вежбавме прекини и се беше во ред со него. Не видов кога се повреди, најверојатно при крајот на тренингот почувствува болка. Боби е неверојатен борец, тешко можете да го одвоите од топката. Не сакавме да ризикуваме и затоа не играше против Хадерсфилд, но ако постои и најмала шанса, тој ќе игра против Барселона – изјави Клоп.

Фирмињо ќе патува со екипата за Барселона, но конечната одлука дали ќе настапи на натпреварот во среда ќе ја донесе лекарскиот тим непосредно пред стартот на средбата.