Финансова ја „чешла“ општина Гостивар, вработувањата и трошењето пари на вработените се предмет на истрага
Градоначалникот Арбен Таравари ја потврди информацијата и напомена дека станува збор за селективност и притисок на централната власт кон раководството на локалната самоуправа.
Финансиското работење на општина Гостивар деновиве се контролира од финансиската полиција и други инспекциски органи. Предмет на контрола биле вработувањата во општината и трошењето на пари за вработените. Инспекторите посебно се интересирале за вработените со договори.
Градоначалникот Арбен Таравари ја потврди информацијата и напомена дека станува збор за селективност и притисок на централната власт кон раководството на локалната самоуправа.
Таравари нагласи дека вели дека како институција не се против контролите на државните органи, но е категоричен дека не треба да се има селективен пристап.
– На овој начин старо-новата влада ја продолжува „војната од сенка” со раководството на општина Гостивар и со тоа ги затвора вратите за институционална соработка. Наместо да ги решаваат бројните афери со рекетирање, приватизации, малверзации и да постапуваат по препораките на Прибе, тие доаѓаат во Гостивар. Кај нас има 109 вработени, а во Тетово 550 и таму не се контролира. Ни пречи таа селективност и сметам дека на ваков начин сакаат да нè заплашат, рече Таравари.
Тој потенцира дека инспекторите ги зеле потребните податоци и информации и смета дека тоа нивна должност, а доколку имаат забелешки или откријат неправилности, подготвен е да сноси одговорност