Филмска потера во Виена: Полицијата била принудена да пука за да запре тинејџер кој украл автомобил
Минатиот викенд, на улиците во главниот град на Австрија се случила вистинска филмска потера. Се започнало кога еден тинејџер (16), украл автомобил од бензинска пумпа од 54-годишен жител на Виена додека тој го полнел со бензин. Тинејџерот успеал да влезе во возилото и да побегне, пренесе српски „Телеграф“.
За настанот веднаш е информирана полицијата, која набрзо го лоцирала украденото возило и започнала потера по тинејџерот на улиците во Виена.
По извесен период, полицијата на една раскрсница успеала да го блокира украдениот автомобил со тинејџерот во него, а потоа го замолиле 16-годишното момче полека да излезе од возилото.
Меѓутоа, тинејџерот скокнал од автомобилот и започнал да трча, а полицијата го следела. По кратката „брканица“, еден од полицијаците бил принуден двапати да пука во воздух за момчето да застане. Веднаш потоа, тој е уапсен и пренесен во полициска станица.