Филмови за Кирил Џајковски и „Д’ Хип“ беа прикажани на „Докенритам“ во Белград
Во рамките на шестото издание на Меѓународниот фестивал на музички документарни филмови „Докенритам“ во Белград на 11 јуни беа прикажани и македонските музички документарци за Кирил Џајковски, „Современа музика за современото доба“ на Ненад Георгиевски, и групата „Д’ Хип (The Hip)“ во режија на Јане Алтипармаков. Филмовите беа дел од категоријата „Земја во фокус“ на фестивалот со акцент на Македонија.
Фестивалот „Докенритам“ се одржа од 8 до 11 јуни во Студентскиот град во Белград. Покрај филмската програма селектирана под мотото „Шестото сетило“, на фестивалот се одржаа и повеќе дебати и промоции на книги. Прикажувањето на македонските филмови е дел од соработката помеѓу здружението „Номад-Арт“ од Скопје и фестивалот „Докенритам“.
(Текстот е објавен во „Културен печат“ број 84, во печатеното издание на „Слободен печат“ на 12-13 јуни 2021)