Кандидатот на СДСМ за градоначалник на Општина Аеродром, Александар Филиповски, вечерва во дебатата на телевизијата 24 изјави дека тој ќе се обиде да ги исполни ветувањата дадени од неговиот претходник Златко Марин, од кого партијата не била целосно задоволна.

„Сигурно партијата не е во целост задоволна од ангажманот на актуелниот градоначалник на Аеродром и мислам дека се изнајде решение каде што бев избран јас како личност којашто ќе проба да ги исполни ветувањата“, рече Филиповски, одговорајќи на прашањето зошто се кандидирал за функцијата.

Тој најави дека ќе се обиде да ги исполни ветувањата од претходниот период, како и проектите од неговата програма.

„Првата работа ќе ми биде реорганизација на комуналните служби, а понатаму набавка на цистерни и садење на висококвалитетни дрвја“, вети Филиповски.