Филипче: За 24 часа починаа деветмина заболени од коронавирус
Од вчера на Инфективна се користи и дополнителната монтажна болница каде се сместени тројца пациенти, рече министерот за здравство.
Во изминатите 24 часа направени се 1.391 тестови, при што позитивни на тестот се 193, излекувани се 46, а починаа девет граѓани, изјави денеска министерот за здравство Венко Филипче.
Земјите во нашиот регион бележат раст на новозаболени, и тоа е присутно во Бугарија, Албанија, Косово, Србија и БиХ, рече министерот за здравство.
– На Инфективна клиника примени се 15 пациенти, а во болницата „8 Септември“ пак 20 пацеинти се згрижени. Седум од нив се на респираторна машина – изјави Филипче.
Во изминатите денови се правела реорганизација на капацитетите за потребите на оптоварените болници, а состојбата на сите Одделенија рече Филипче го бара тоа.
– Од вчера на помош во Скопје пристигнаа 54 доктори и медицински сестри, а направен е и план за прераспределба на кадар од болниците во земјава – нагласи Филипче.
Од вчера на Инфективна се користи и дополнителната монтажна болница каде се сместени тројца пациенти, рече министерот за здравство.