Министерот за здравство Венко Филипче на денешната прес-конференција кажа дека изминатите две години се примени голем број лекари и медицински сестри.

-Генерално имаше дефицит на лекари, во изминативе 2 години огромен број лекари и медицински сестри се примија. Дадовме повеќе од 5 илјади согласности за вработување, примени се близу 800 лекари, над 1.000 медицински сестри на неопределено време. Голем дел се упатени на специјализација.

Бројот на инфектолози е околу 60-тина од кој околу 23 или 24 се на клиниата, а другите во одделенијата ширум државата. Има различни трендови на организација на клиниките за инфективни болести во различните европски земји, согласно специјалистите кои се на располагање.

На Инфективната клиника и во другите општи болници изминатите две години примени се голем број доткори, но мора да се има специјализација, па да се стекне искуство, сетот одзема многу време, рече Филипче.