Филипче: Се надевам дека и на последните скептици ќе им стане јасно дека вирусот не е шега (ВИДЕО)
Овој нов бран е директна последица на непочитување на јасно пропишаните мерки, но и задоцнета или слаба активност за казнување, рече министерот за здравство, Венко Филипче на денешната прес-конференција, која се одржа во Владата.
-Се надевам дека и на последните скептици ќе им стане јасно дека вирусот не е шега, нема за замине сè додека не прифатиме дека претставува закана за секој кој не ги почитува мерките за заштита од него. И после одржани 100 прес-конференции и илјадници пати повторени апели и пораки, еден дел граѓаните сè уште одбиваат да ја прифатат реалноста- рече Филипче.
Треба да се прифати дека одговорноста е на секој поединец, потенцираше Филипче.
-Не треба да разбереме откако ќе се разболеме колку всушност е опасен вирусот. Ние здравствените работници, Владата, не можеме да направиме ништо без граѓаните. Само сите заедно може да ја минеме кризата- рече Филипче.
Стратегијата даде резултат, рече Филипче, како што посакувавме, најдобар пример за тоа е Дебар.
-Системот е далеку подготвен за разлика од првиот бран, имаме повеќе знаење, ресурси, целосно опремен здравствен систем, кој не смееме да го оптовариме- рече Филипче.