Министерот за здравство Венко Филипче верува дека возилата за итна медицинска помош со кои располага државата, заедно со уште една најавените три, ќе бидат доволна за премостување на проблемот во овој период додека да стигне големата донација од Кина од 60 возила.

– Чекаме голема помош од Кина која беше најавена за 2020 година, но беше одложена поради ковид. Тоа се 60 возила за итна медицинска помош и токму тоа беше причината зошто ние го запревме процесот на набавка на вакви возила во 2018 и во 2019 година кога набавивме 20 возила, изјави Филипче по денешната прес-конференција.

Филипче посочи дека есенскиот бран го зголеми притисокот и врз службите за итна медицинска помош. Во однос на боледувањата, министерот рече дека е точно укажано како се продолжува боледувањето, без повторна посета на комисијата и оти ваквото укажување е испратено до сите институции.