Министерот за здравство, Венко Филипче во вечерашното гостување во вестите на телевизија Сител предупреди дека со оваа динамика многу брзо ќе се исполнат и дополнителните кревети во Ковид центрите.

-Обезбедуваме кревети и кадар, но тоа оди сè потешко. Спремни се дополнителни капацитети, но со оваа динамика може за кратко време и тие да се пополнат. Веќе предвидуваме места и на хируршките одделенија. Но, тоа значи дека сите доктори и сестри ќе работат со пациенти со Ковид и ќе запрат сите други прегледи и Мој термин. Обезбедувањето на кревети и кадар оди сè потешко, вели Филипче.

Се исцрпуваат капацитетите, вели Филипче.

-Ако оди во оваа динамика, ако продолжи овој тренд, ќе почнат да се откажуваат закажаните редовни операции, едноставно сите доктори, сестри да бидат посветени на пациенти со ковид-19. Ова е криза насекаде, вели Филипче.

Вирусот е непредвидлив, однесе многу животи, вели Филипче.

-Матичниот лекар е обврзан 24 часа, тие треба да ги прегледуваат пациентите, тоа не е од сега, тоа е години наназад, 24 часа треба да бидат на располагање за пациентите- рече Филипче.

Сите лекари, специјализанти, инфектолози, вели Филипче се во сервис на третман на оваа патологија, нема да може да издржиме уште многу ако оди со оваа динамика.

-Пред нас се два до три тешки месеци, се надевам дека мерките ќе дадат резултат, граѓаните да ни помогнат- замолува министерот.

Министерството за здравство информира дека во последните 24 часа се направени 1683 тестирања, а регистрирани се 591 нови случаи на ковид-19, починаа 40 лица.

Црн ковид биланс: Четириесет лица ја загубија битката со коронавирусот