Министерот за здравство Венко Филипче одржа прес-конференција во Владата, на која информираше за состојбата со коронавирусот, како и за новозаболените пациенти.

– Да ја информирам јавноста за пациентите,  вкупно денеска се тестирани 12 лица, од нив позитивни на коронавирусот се шест пациенти. Едната пациентка вчера пристигнала со на скопскиот аеродром, патувала со маска и ракавици, се јавила сама на пунктот на аеродромот, а на сите други патници кои биле во авионот им е дадена домашна излолација – рече Филипче.

Тоа значи дека во моментов имаме 18 пациенти заразени со Ковид-19 во државава, потенцираше Филипче.

– Донесени се четири пациенти од Дебар на Инфективната клиника. Петте ново дијагноситицирани пациенти ќе се лекуваат во дебарската болница. Таму има кадар, епидемиолог и инфектолози, сите се со лесна клиничка слика, налик на настинка- рече Филипче.