Филипче: Нема да брзаме со отворање на градинките
Планот за отворање на градинките е утврден од МТСП. Има уписи за деца кои не се упишани и оние кои нема кај да ги носат децата, а тоа оди паралелно со процесот на враќање на вработените во градинките. Нема да брзаме со отворање на градинките, соопшти министерот Венко Филипче на денешната конференција.
– Секоја земја ќе води сметка за националната политика. Утрово добивме вест од Бугарија за отворање на границите, ние од понеделник натаму ќе одлучуваме. Се уште сметаме дека треба регионален пристап за тоа прашање. Во однос на кластерите лесно се одредуваат, бидејќи произлегуваат од епидемиолошките прашалници. Има цели семејства, жално е што вчера за увидот не ги почитувале мерките за самоизолација – изјави Филипче.
– По примерот на Дебар ќе се прават карантини и органичување на движење во рамките на тој регион, доколку се донесе таква одлука – додаде министерот за здравство.