Филипче: Можно е воведување на трета доза, а можно е и вакцината да стане сезонска

Венко Филипче Фото: Слободен печат. / Драган Митрески

Министерот за здравство Венко Филипче на денешната прес-конференција во Гевгелија изјави дека можно е воведување на трета доза вакцина против коронавирус, а можно е и вакцината да стане сезонска.

Тој изјави дека има зголемување на бројките на заразени, меѓутоа тоа не е загрижувачки бидејќи така е низ целиот свет, а притисок во болниците нема. Моментално на Инфективната клиника се лекуваат 15 пациенти.

„Едното од можните сценарија е воведување на трета доза, а можно е вакцината да стане и сезонска. Вирусот нема да исчезне одеднаш и делта сојот нема да биде последен“, рече Филипче.

Министерот додаде дека интензивно ги следат препораките на СЗО и останатите земји во однос на вакцинацијата.

Видео на денот