Филипче: Матичните лекари се клучна алка во синџирот за јавното здравје

Венко Филипче /Фото: Слободен печат. / Драган Митрески

 Матичните лекари не се важни само за здравјeто на поединците, туку и за здравјето на целата заедница. Тие се клучна алка во синџирот за јавното здравје, напиша министерот за здравство Венко Филипче на Фејсбук по повод 19 мај – Светскиот ден на матичните лекари.

– Голем товар во борбата со ковид пандемијата, лекарите по општа медицина го носат на свој терет од превенција и контрола на пациентите, споделување совети, утврдување на потребна терапија, совети за престој дома, па се до обезбедување превоз до ковид центрите. Тие заедно со целиот здравствен персонал играат важна улога и за процесот на ковид имунизацијата, кој е во тек, напиша Филипче.

Во 2019 година, како што посочува министерот за здравство, сите матични лекари од општа пракса, гинекологија и стоматологија добија приближно 15 отсто или 8 денари покачување за капитационен бод, односно за 1000 пациенти добиваат околу 8000 денари повеќе, а за 2000 пациенти 16.000 денари повеќе средства. Со ова значајно ја олеснивме нивната работа и нивното функционирање. Ова зголемување отвори можност, да бидат стимулирани, дополнително да вработат медицинска сестра, да вработат и административен работник, се со цел докторите се повеќе да бидат посветени на нивните пациенти, истакна Филипче посакувајќи им на матичните лекари и понатаму да продолжат со својата посветеност и придонес кон јавното здравје.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот