Денеска се регистрирани 36 оздравени пациенти, но за жал шест пациенти се починати. Во изминатите 24 часа направени се 362 тестирања и 22 нови случаеви, со што вкупната бројка до сега достигна 1.421 заболени. Петмина пациенти се примени на Инфективна, а тројца во болницата „8 Септември“, изјави на денешната прес конференција министерот за здравство Венко Филипче.

– Во петок, сабота и недела, за деновите од празникот ќе биде дозволено движење од 5 часот наутро до 14 часот – изјави Филипче.

Според него, ова е доволно време за граѓаните да прошетаат или да пазарат, но нагласи дека мора да се носи заштитната маска и да се држи дистанца од два метра.