Филипче: Има 11 случаи на заразени здравствени работници во болницата „8 Септември“ (ВИДЕО)
Има 11 случаи на заразени здравствени работници во болницата „8 Септември“, 1 доктор, 2 болничари, 7 медицински сестри и 1 техничар, рече министерот за здравство Венко Филипче на денешната прес-конференција.
-Но работата не е компромитирана, утрово имавме состанок со инфектологот од болницата „8 Септември“ договоривме начин на тестирање на луѓето коишто биле во највисок ризик со веќе потврдените. Сите вработени со пациентите носеле заштина опрема- рече Филипче.
На Гинеколошко акушерската клиника имаме две лица заразени, сестра и техничар, во овој момент траат анализата и анкетите, потенцираше Филипче.
-Сметам дека е потврдена исправноста на одлуката за воведување дополнителна рестрикција во главниот град и во другите региони каде има заразени- рече Филипче.