Филхармонија: Музиката го враќа достоинството на човештвото

Македонската филхармонија е, можеби, една од ретките културни институции во земјава, но и пошироко, којашто, со оглед на пандемијата на ковид-19, минатата година ја реализираше концертната програма во целост. Уникатни музички настани со врвни солисти и диригенти, симфониски и камерни концерти, кои се одвиваа во големата и малата сала, со импресивна и атрактивна програма која претставуваше микс од т.н. класичен, железен репертоар и современи композиции се одржаа во Филхармонија во текот на 2020 година. Сите настани се одржаа под строги мерки за заштита, со сите протоколи донесени од Владата на РСМ за одржување настани во културни објекти.

– Поради ситуацијата со коронавирусот, го поделивме оркестарот на два ансамбли, а програмата ја адаптиравме за помали симфониски состави, со цел да се заштитат сите вработени во објектот. Среќна сум што од една страна, на љубителите на музиката и на артистите не им недостигаше сцената, живиот контакт со уметноста, а од друга, што успеавме во ова сурово и депресивно време да се справиме со „непријателот“ и да го сочуваме нашето достоинство, да одиме напред со здрав разум секако, не по секоја цена, да им дадеме на луѓето надеж за подобра иднина. Музиката е совршена форма на делување против неубавото. Сите концерти одеа и онлајн, така што и оние што одлучија да не дојдат во сала, можеа да сонуваат и фантазираат гледајќи ги и слушајќи ги нашите уметнички проекти и да се тргнат барем за миг од сивилото што како колектив нѐ обои во тмурни бои – истакнува в.д. директорката на Филхармонија, Тина Иванова.

Прочитајте и...  Книжевен превод: Книгата „Сага за Олаф Светиот“ е скапоцен камен меѓу исландските саги
Тина Иванова, в.д. директорка на Филхармонија / Фотографија: Маја Аргакијева

Во Филхармонија се горди и на назначувањето на маестро Габриел Бебешелеа за шеф-диригент на оркестарот, со тригодишен договор за работа, што е од огромно значење за квалитативниот развој на институцијата. Исто така, маестро Конрад ван Алфен од Холандија стана почесен гостин-диригент. И двајцата дадоа голем придонес во тоа сите концерти да се одржат со програма адаптирана за ваква ситуација.

Концертната сезона почна со концертот симболично насловен „Звук на два метри“ (така е насловена целата програма за оваа сезона), на кој како диригент настапи шеф-диригентот на Филхармонија, маестро Габриел Бебешелеа од Романија. Солисти беа извонредните вокали од Германија, Корби Велч (тенор) и Хајке Веселс (сопран), а на програмата беше изведено маестралното дело „Песни за земјата“ од Густав Малер. Меѓу многубројните концерти ќе ги спомнеме „Младост, среќа, иднина“ со маестро Јерухам Шаровски од Израел и врвната виолончелистка Даниеле Акта, традиционалниот концерт на фестивалот „Денови на македонска музика“ во соработка со Сојузот на композиторите на Македонија, под диригентство на маестро Сашо Татарчевски, фантастичниот концерт „Шпански танц“ со маестро Емил Табаков од Бугарија.

Прочитајте и...  ВИДЕО | ПМГ колектив и Принцес Донатсу ги споија силите: Слушнете како звучи синглот „Принцеза“
Маестро Габриел Бебешелеа и виолончелистката Анастасија Кобекина / Фотографија: Маја Аргакијева

Македонскиот врвен пијанист Дино Имери, заедно со маестро Јерухам Шаровски како диригент, настапи на концертот „И тело и душа“, додека роденденот на Филхармонија беше прославен со концертот „Колаж“, на кој настапи врвната виолончелистка Анастасија Кобекина од Русија под диригентската палка на шеф-диригентот Габриел Бебешелеа.

Годината беше заокружена со традиционалниот Новогодишен концерт со наслов „Нова година – Нов почеток“ со маестро Џијан Емин како диригент, а во соработка со Здружението на џез-музичари на Македонија. Филхармонија продолжува да ја негува квалитетната музика, а следниот концерт е на 28 јануари со диригентот Борјан Цанев и со Ања Коловска на хармоника. На програмата се Концертот за хармоника и оркестар „Аконкагва“ од Астор Пјацола, „Песна и танец“ од Томе Манчев и „Орава“ за гудачки оркестар од Војцек Килар.

Прочитајте и...  ВИДЕО | ПМГ колектив и Принцес Донатсу ги споија силите: Слушнете како звучи синглот „Принцеза“

(Текстот е објавен во „Културен печат“ број 64, во печатеното издание на „Слободен печат“ на 16-17 јануари 2021)

Поврзани вести

Книжевен превод: Книгата „Сага за Олаф Светиот“ е скапоцен камен меѓу исландските саги

Тони Димков

Прозно дело: „Гордиот Дабидеш“ од Ирена Доускова

Тони Димков

Книга за деца: Средба со приказните за Итар Пејо

Тони Димков

Македонски музички архив: Излезе првиот том на „Македонски рок времеплов“

Тони Димков

Интервју со Жарко Кујунџиски, писател и издавач: Книгата само привидно е предмет

Тони Димков

Разговор со вокалната солистка Светлана Јовановска: Музиката е мојот непресушен извор

Тони Димков

Остави Коментар