Фудбалот денеска дефинитивно победи и тоа највеќе поради навивачите кои го запреа проектот европска Суперлига. Не само што Суперлигата доживеа вистински бродолом бидејќи екипите почнаа да се откажуваат од овој проект, туку почнаа да фрчат и оставки.Челси, Манчестер сити, Атлетико Мадрид и Барселона најавија дека започнале процедура за повлекување од Суперлигата, додека едни од најголемите заговорници си поднесоа оставки.

ВИДЕО | Стојмановски: Тешко дека ќе помине идејата за Супер лига, клубовите ќе водат војна со своите фанови и со владите

Прво Ед Вудворд си поднесе оставка од функцијата извршен потпретседател на Манчестер јунајтед, а неколку минути подоцна истото го стори и Андреа Ањели кој повеќе не е претседател на Јувентус.
Но, се очекува оставките да не запрат тука, и прашање на часови или денови е кога ќе си замине и најголемиот заговорник на Суперлигата, Флорентино Перез.
Перез беше избран за претседател на Суперлигата и кој пред камерите го фалеше овој проект притоа напаѓајќи ја УЕФА, но според медиумите тој по пропастот на проектот се наоѓа пред огромен притисок и се очекува многу брзо да си поднесе оставка од претседателската функција во Реал Мадрид.

УЕФА ја добива војната со Суперлигата, и Ањели си замина од Јувентус

Челси повлече нога, сега и шпанските Атлетико и Барселона се пред откажување, Мегваер и соиграчите го натераа и Јунајтед да ретерира

Уште еден англиски клуб се двоуми околу Суперлигата, битката за милијардите може да се префрли во судовите