ФИФА со резерва ја поддржа УЕФА, нема цврст став во една работа
ФИФА повикува на мир и дијалог додека во европскиот фудбал има досега невиден судир на идеологии.
Суперлигата стана реалност кога доцна синоќа Реал Мадрид, Барселона, Атлетико Мадрид, Јувентус, Интер, Милан, Манчестер јунајтед, Манчестер сити, Арсенал, Челси, Ливерпул, Арсенал и Тотенхем го формираа новото натпреварување кое ќе биде привилегија само на одбраните.
УЕФА веднап се закани со остро соопштение во кое најави ригорозни казни за сите екипи кои ќе играат во Суперлигата, а меѓу нив се исфрлање од европските и домашните натпреварувања како и дека нивните играчи нема да можат да играат за репрезентациите.
Но, Светската фудбалска федерација (ФИФА) беше далеку поблага и објави дека „не се согласува“ со Суперлигата, но за разлика од УЕФА, тие не се заканија со казни и повикаа на дијалог и мир.
„ФИФА сака да појасни дека цврсто стои зад солидарноста во фудбалот и моделот на еднаква редистрибуција која може да го развие фудбалот на глобално ниво, што е и основната мисија на ФИФА.
Според нашите статути, секое фудбалско натпреварување, глобално, регионално или национално, мора да ги рефлектира вредностите на солидарноста, како и подеднаквата финансиска поделва. Исто така управувачките фудбалски тела мора да ги искористат сите правни, спортски и дипломатски средства за да се почитуваат тие статути.
ФИФА може само изрази несогласување со „затворената европска лига“.
ФИФА секогаш се залага за единство во фудбалот и ги повикува сите страни на мирен, конструктивен и балансиран дијалох за доброто на фудбалот“, стои во соопштението на ФИФА.
Богатите не се плашат од УЕФА, познато е кој ќе биде главен во Суперлигата вредна пет милијарди евра