ФИБА направи циркус: Домаќините на СП си бираа против кого да играат

Фото: EPA/JEAN-CHRISTOPHE BOTT

ФИБА предизвика сериозни критики од спортската јавност откако домаќините на Светското првенство во 2023 година добија можност да бираат по еден тим со кого сакаат да играат.

Квалификациите се уште се во тек, а ФИБА веќе на големо се критикува за според многумина крајно несериозниот потег кој не доликува на една светска организација. Домаќини на Мундобаскетот се Филипини, Индонезија и Јапонија и тие веќе си избраа по еден ривал.

Очигледно домаќините бираа атрактивни противници, сигурно дека причините се комерцијални. Јапонија си избра да игра со Дончиќ и Словенија, Индонезија ја избра Канада, додека САД беше избран од Филипини.

Интересено е што САД се уште официјално се нема квалификувано на СП, но со оглед на квалитетот со кој располагаат тоа никој не го доведува во прашање. Ждрепката за Светското првенство е закажана за на 29. април во Манила, датумот на почетокот на турнирот е 25. август.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот