ФИБА Челенџер: Втора победа на младите македонски кошаркарки во Софија

Фото: kfsm.mk

Во драматична завршница ја совладавме Швајцарија со минимални (68:67), како доказ плус за она што го имаме во оваа млада женска кошаркарска селекција (У18).

Иако имавме почетни (20:5) во првата четвртина, сосема солидни (35:23) на полувреме тоа не беше гаранција за триумф против упорните девојки од Швајцарија.

Но имавме добар финиш, малку среќа, доволно да дојдеме и до втор успех на ФИБА „Челенџерот“ во Софија, Бугарија.

Марија Димитријевиќ беше најефикасна со 20 поени (шест скокови, пет асистенции), а Ивана Чолакоска постигна 17 поени (пет скокови).

На спротивната страна прв стрелец беше Стефани Мартинез со 25 поени (четири асистенции).

Претходно на овој турнир ја совладавме и Албанија (61:49), а загубивме од Бугарија (55:64), Словенија (22:88) и Украина (52:69).

Видео на денот