ФИБА „Челенџер“: Јуниорките во две четвртини без постигнат кош против Словенија
Женската јуниорска селекција на Македонија го запиша вториот пораз на ФИБА „Челенџер“ турнирот кој деновиве се игра во Софија, Бугарија.
Нашите млади кошаркарски надежи беа декласирани од репрезентацијата на Словенија со конечен резултат 88:22. Во две четвртини нашите кошаркарки не успеаја да постигнат ниту еден поен (34:0, 11:13, 13:9, 30:0).
Лошиот вовед во овој натпревар ги чинеше висок пораз нашите млади кошаркарки. Тешко се снаоѓаа со пресингот на противничката екипа, имавме сериозни проблеми со организацијата на играта што резултираше со висока негатива на полувремето (45:13).
Не се опоравивме од случувањата во првиот дел од играта. Словенија се покажа како доминантен ривал и со право окарактеризиран како топ фаворит за првото место во оваа група од „Челенџер“ турнирите.
На третиот ден од „Челенџерот“ нашата селекција „Под 18“ години, утре од 19.00 часот, игра против репрезентацијата-домаќин, Бугарија.