ФФМ ги прогласува најдобрите во македонскиот фудбал
Фудбалската федерација на Македонија на гала манифестација во Македонскиот Народен Театар (МНТ) вечерва од 19:00 часот ќе ги додели наградите и признанијата за најдобрите во македонскиот фудбал за сезоната 2018/2019.
Номинирани за најдобар фудбалер во МФЛ се Владица Брдаровски (Вардар), Висар Муслиу (Шкендија) и Љупчо Дориев (Академија Пандев), додека, номирани за најдобар тренер во МФЛ се Ќатип Османи (Шкендија), Југослав Тренчовски (Академија Пандев) и Александар Васоски (Вардар).
Воедно ќе бидат прогласени и најдобрите во младински и женски фудбал, потоа најдобриот тренер и играч во футсал, најдобар стрелец во МФЛ, а ќе им се доделат и признанија на истакнати фудбалски работници за придонес во развојот на македонскиот фудбал.
Секако, на манифестацијата ќе биде доделена наградата и за најдобриот македонски репрезент во странство.