ФФМ: Чудесна, чудесна одбојкарска Македонија!
Доаѓаат честитки од сите страни по повод пласманот на одбојкарската репрезентација на Македонија на Европското првенство.
После големиот триумф над Турција (3:1), нашите најдобри одбојкари го обезбедија својот втор настап на континенталните собири. Со јубилејната 70 победа во официјалните 152 натпревари, повторно сме во во престижното друштво.
Ние сме најдобро второпласирани од три завршени групи досега, така што не постои теорија која би попречила да играме годинава на ЕП кое ќе се одржи во четири земји: Полска, Чешка, Естонија и Финска.
Честитка дојде и од Фудбалската федерација на Македонија:
– Чудесна, чудесна одбојкарска Македонија! Благодарност за насмевките кои ни ги донесовте. Инспирација и оптимизам. Честитки за новото Европско првенство – стои во пораката на ФФМ.