Поради коронавирусот, еден од најпопуларните музички фестивали на светот, Коачела, преместен е за во октомври, но за фановите да не останат потполно разочарани, организаторите одлучија на 10 април на Јутјуб да пуштат документарец под назив – „Coachella: 20 years in the desert“.

Низ филмот ќе можеме да видиме многу имиња кои настапуваа на фестивалот во минатото, но и историски моменти како настапот на холограмот на Тупак, или легенданиот настап на Бијонсе за кој се зборуваше со недели потоа.

Во филмот исто така ќе се појават легендарните „AC/DC“, како и Мадона, Били Ајлиш, Пост Малоун, дури и Барак Обама, кој ја спомена Коачела од Белата куќа, истакнувајќи ја неговата важност.

„Останете дома. Зголемете го тонот. Ќе ви ја донесеме пустината дома и ќе се присетите на претходните 20 години, уметниците и настапите кои ја изградија Коачела“, порачаа организаторите на фестивалот на Твитер.

Погледнете го трејлерот, а целиот филм ќе можете да го гледате на 10 април на Јутјуб.