Фестапен го прозва Ферари: Тоа се случува кога ќе престанете да мамите
Макс Ферстапен го освои третото место на трката на Големата награда на САД, пласирајќи се веднаш зад двоецот на Мерцедес, Валтери Ботас и Луис Хамилтон. Возачот на Ред Бул затоа беше побрз од возачот нљ Ферари, Шарл Леклер, додека Себастијан Фетел поради проблеми со моторот на болидот предвреме се откажа.
Екипата на Ред Бул претходно се жалеше во ФИА дека Ферари не ги почитува правилата околу системот за гориво и поради тоа италијанскиот тим мораше да прави модификации на болидот што резултира со послаб пласман во однос на последните неколку трки.
– Тоа што Ферари беше поспор од конкуренцијата не е ништо невообичаено. Вакви работи се случуваат кога ќе престанете да мамите – изјави Ферстапен.
Одговорот на „закачката“ од Ферстапен, дојде од младиот Шарл Леклер.
– Мислам дека тоа е шега, да бидам искрен. Тој нема појма што се случува во Ферари, не е дел од нашиот тим. Ние точно знаеме што работиме, а не знам зашто Ферстапен така зборува – одговори Леклер.