Фернандо Торес, по 18 години активна играње фудбал, изненадувачки одлучи да стави крај на богата кариера.
„Имам нешто важно да ви соопштам. По возбудливи 18 години, дојде време да ставам точка на својата фудбалска кариера“ напиша Торес на социјалните мрежи.

I have something very important to announce. After 18 exciting years, the time has come to put an end to my football career. Next Sunday, the 23rd at 10:00AM, local time in Japan, I will have a press conference in Tokyo to explain all the details.See you there. pic.twitter.com/WrKnvRTUIu

— Fernando Torres (@Torres) June 21, 2019

Популарниот Ел Нињо најави дека во недела на прес конференција ќе ги објасни сите детали околу одлуката да се повлече од фудбалот.

Фернандо Торес фудбалската кариера ја започна во Атлетико Мадрид каде играше се до 2007 година кога премина во Ливерпул. Во редовите на „црвените“ тој помина четири сезони и во тој период го играше најдобриот фудбал во кариерата постигнувајќи 62 голови на 102 натпревари.

По Ливерпул, премина во Челси по што и неговата ѕвезда почна да бледнее. Тој во четирите години минати во Челси, одигра 110 натпревари и постигна само 20 голови. Една сезона мина на позајмица во Милан, а во 2016 година се врати во Атлетико Мадрид. Минатата сезона ја мина во Јапонија, во екипата Саган Тосу. За репрезентацијата на Шпанија одигра 110 натпревари и постигна 38 голови.