Фернандеш: Манчестер јунајтед треба да ја заврши сезоната со трофеј!
Португалскиот интернационалец во редовите на „црвените ѓаволи“ вели дека неговиот клуб би требало да ја освои титулата во Лигата на Европа.
– Сметам дека е од големо значење да ја победиме Севиља во полуфиналето, а потоа славиме и во финалето. Манчестер јунајтед не е клуб кој може да се задоволи без ниту еден трофеј во сезоната, поради што сме додатно мотивирани да ја освоиме Лига Европа – рече играчот на Манчестер јунајтед, Бруно Фернандеш.
Според Португалецот евентуалниот освоен трофеј ќе биде одлична увертира за следната натпреварувачка сезона 2020/21. Клубот од „Олд Трафорд“ е во таков добар налет што има само еден пораз на последните 24 дуели во сите натпреварувања.
? Manchester United have lost just one of their last 24 games in all competitions ?@ManUtd | #UEL pic.twitter.com/hbf3BxIDow
— UEFA Europa League (@EuropaLeague) August 14, 2020
– Тоа би влијаело на нашиот менталитет. Така повторно би го вратиле победничкиот начин на размислување. Кога играте во голем клуб често морате во глава да имате што се очекува од вас. Само победи и трофеи мора да ни се во главите – додаде Фернандеш.
Потсетување, на 16 август (недела, 21.00 часот) на стадионот во Келн играчите на менаџерот Оле Гунар Солскјер ќе ги одмерат силите против Севиља.
Во истиот термин на 17 август (понеделник) Интер се соочува со Шахтјор Доњецк на теренот во Дизелдорф.
Многумина веќе предвидуваат финале Интер-Јунајтед, но останува да видиме по завршувањето на полуфиналните пресметки кои екипи ќе се борат за титулата во ЛЕ на 21 август (петок, 21.00 часот) во Келн.