Фернандес: Сакам да ја донесам таа енергија на теренот, како Надал и Федерер

Финалистката од „УС Опен“ сака да ја има енергијата од трибините исто како Рафа и Федерер/Фото: EPA-EFE/JUSTIN LANE

Канадската тенисерка Лејла Фернандес зборуваше за едни од најголемите тениски великани, Рафаел Надал и Рожер Федерер.

Финалистката од „УС Опен“ има само 19 години и многумина предвидуваат дека пред себе има голема и светла иднина.

Неодамна во Њујорк (САД) ги елиминираше Осака, Свитолина, Кербер и Сабаленка, но загуби во финалето од една година помладата Ема Радукану.

Лејла за „Тенис Хед“ изјави дека ја сака таа енергија од трибините кога игра, истата кога настапуваат Надал и Федерер.

– Кога бев мала, ги гледав мечевите на Надал и Федерер и видов како реагираа навивачите на нив. Сакам да донесам нешто такво во тенисот, да играм со иста енергија и да им дадам насмевка на лицата на навивачите. Сакам да им биде убаво и забавно кога ги гледаат моите мечеви – рече Фернандес.

Убави зборови од Федерер за Ѓоковиќ: Тоа што го направи Новак е лудо

Видео на денот