Феникс открива колку килограми изгубил за улогата на Џокерот
Филмот за еден од најпопуларните негативци на DC Comics беше премиерно прикажан на Филмскиот фестивал во Венеција. Трејлерот е прегледан повеќе од 27 милиони пати.
Овојпат во улогата на Џокерот го гледаме актерот Жоакин Феникс, кој открива дека за улогата во овој филм морал да ослабне 23 килограми.
„Сето тоа многу влијае врз психата“, признал тој за „Холивуд репортер“.
Тоа сосема го полудело, но и му помогнало да навлезе во сржта на ликот. Исто така, смета дека слабеењето и дебелеењето поради улога воопшто не е лесно.
„Тешко е, но мора да го направите тоа што е потребно. Кога еднаш го минеш тој процес, знаеш што те очекува следниот пат, но и тоа во исто време те плаши“, објаснил тој.