Жоакин Феникс на прес-конференција на Филмскиот фестивал во Венеција зборуваше за тоа како се мотивирал пред да почне да го снима „Joker“.

Досега во оваа улога се појавиле многу актери, меѓу кои и Џек Николсон и Џаред Лето, но публиката никогаш не престана да се воодушевува од изведбата на Хит Леџер.

Сепак, Феникс сметал дека самиот треба да внесе дух во овој лик и да направи нова, препознатлива верзија, која ќе се памети.

Тој на пресот изјавил дека не се инспирирал од никој од претходниците, туку дал сè од себе да внесе лични елементи, но и да се држи до оригиналниот лик од стриповите на DC Comics.

Феникс смета дека неговата интерпретација е уникатна и целосно нова во повеќе аспекти и нималку слична ниту на онаа на Лето во „Suicide Squad“, ниту пак на Леџер во „The Dark Knight“ за која тој доби постхумен Оскар.