Фенербахче се „распадна“, Реал трет во Виторија (ВИДЕО) - Слободен печат
КошаркаСпорт

Фенербахче се „распадна“, Реал трет во Виторија (ВИДЕО)

Турците беа одлични во лигашкиот дел од сезоната, а сега во самата завршница на Фајнал фор турнирот се едноставно непрепознатливи.

Фенербахче не успеа да се опорави од поразот кој го претрпе во полуфиналето од кошаркарската Евролига и на крајот мораше да се помири само со четвртото место во Виторија.

Реал Мадрид во натпреварот за третото место славеше со убедлив резултат 94:75 (24:16, 14:24, 31:23, 25:12).

Прв стрелец во редовите на шпанскиот клуб беше Густаво Ајон со фантастична партија во која забележа дабл-дабл учинок од 23 поени и 11 скокови.

Во победничката екипа се истакна уште Фабиен Козер кој реализираше 13 поени, Факундо Кампацо додаде 12 поени и 15 асистенции, додека а Треј Томпкинс 12 поени и пет скокови.

За Фенер доминираше Костас Слукас со 17 поени и шест асистенции, зад него на листата најдобри стрелци е Мелих Махматоглу со 14 поени и три асистенции.

Големото финале меѓу Анадолу Ефес и ЦСКА Москва се игра од 20:30 часот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close