Фејсбук снима документарец за Ѓоковиќ
Главните кадри се направи се направени на „Другаријада“, која по седми пат ја организира фондацијата Новак Ѓоковиќ, а на филмот работи екипа од Велика Британија. Се очекува документарниот филм да се појави на Фејсбук на крајот од октомври или најдоцна до крајот на годината.
„Правиме филм од неколку минути, а фокусот ни е насочен на хуманитарните активности на најдобриот светски тенисер. Поминавме неколку преубави денови во Брзеч за да смимаме. Се помина добро, а имаме многу одлични кадри со децата кога се дружеа со Новак и Јелена. Се помина во перфектна атмосфера“, стои во соопштението на компанијата „Film Farmers“.
На чело на тимот се наоѓа продуцентот Том Пери од Лондон, кој истакна дека е воодушевен од соработката со српскиот тенисер.
– Новак беше многу добар, опуштен, пријатен и се што го замоливме ад направи, го правеше со насмевка и леснотија. Среќни сме што соработуваме со таква личност и се надевам дека ќе имаме можност повторно да снимаме заедно – изјави продуцентот, Том Пери.
Заменикот на Пери, Сем Клејстон изјави дека тимот кој го снимаше документарецот не беше запознат со хуманитарните активности на Ѓоковиќ.
– Знаеме за неговата тениска кариера, но луѓето во Англија генерално не се запознати со Фондацијата и со тоа што го работи истата за да им помага на децата, посебно во Србија. Убаво беше да им се отворат очите на луѓето низ светот и да видат што Фондацијата и Новак прават за најмалите – открива Клејстон.