Фејсбук ја блокирал страницата на здружението на Македонците од Бугарија ОМО „Илинден“ речиси во исто време кога претставниците на оваа организација и на неколкуте други здруженија на Македонците од Бугарија се сретнаа со претседателот Стево Пендаровски, информира претседателот на ОМО Илинден Стојко Стојков за „Нова Македонија“.

Тој наведува дека блокадата била под чудното и лажно обвинение за „спамирање“ (испраќање речиси идентични небарани пораки до голем број корисници).

Претседателот Пендаровски денеска ги прими претставниците на неколку здруженија на Македонците од Бугарија, кои го информираа за нивната работа и активности.

Во однос на дијалогот со Бугарија, претседателот оценил дека почнува нова фаза, а двете страни искажуваат волја во насока на напредок на процесот.