Федерер: Ова беше лудо, секоја чест Новак
Рожер Федерер не успеа да дојде до деветтата титула на Вимблдон и вкупно 21. гран слем трофеј во кариерата, откако во епското финале беше запрен од Ѓоковиќ со 3:2 во сетови.
– Ќе се обидам да го заборавам овој дуел. Ова беше неверојатен дуел, фантастичен, имав шанси за победа. Мислам дека играв одличен тенис и задоволен сум од прикажаното. Честитки за Новак, ова беше лудо, секоја чест Новак – изјави Федерер.
Швајцарецот иако не успеа да ја освои титулата одигра одлично и по финалето им упати порака на своите врсници дека и со 37 години можат уште многу да понудат.
– Се надевам дека на некои луѓе ќе им дадам потстрек да веруваат во себе, и дека со 37 години сè уште ништо не е готово. Одлично се чуствувам, дадов се што имам но ќе ми биде потребно време да се опоправам од ова – рече Федерер.