Федерер не дозволи ново изненадување, рутинска победа над Беретини
Роже Федерер ги задржа шансите за пласман во полуфиналето на завршниот Мастер турнир во Лондон, откако во второто коло рутински го совлада Матео Беретини.
Швајцарецот славеше во два сета со 7:6,6:3 над Беретини и во последното трето коло против Новак Ѓоковиќ ќе мора да победи доколку сака да обезбеди пласман во полуфиналето.
Дебитантот на завршниот Мастерс турнир, Матео Беретини одлично играше во првиот сет, сервисот одлично го служеше и не му дозволи на Швајцарецот да направи брејт туку сетот го однесе во тај брејкот.
Во него, Федерер прв дојде до мини брејк со што си го трасира патот за освојување на сетот, а работата му беше дополнително олеснета поради грешките на противникот и на крајот славеше со 7:2.
Лошата игра од тај брејкот продолжи и во вториот сет, Беретини уште на стартот му дозволи на Федерер да направи брејк. До крајот на сетот, Швајцарецот дојде до уште еден брејк за конечен триум од 6:3.
За да обезбеди пласман во полуфиналето, Федерер мора во третото коло да го победи Ѓоковиќ. Швајцарецот и со пораз може да се најде во полуфиналето, но потребно е да се исполнат два услова, едниот е Ѓоковиќ во два сета да го победи Доминик Тим, кој пак во последото мора да загуби и од Беретини без да освои сет.