Швајцарскиот тенисер Рожер Федерер вчера го одигра последниот меч во неверојатната кариера, а во последниот говор зборуваше за Надал.

Федерер заедно со Рафаел Надал играа во двојки за тимот на Европа против Американците Френсис Тиафо и Џек Сок кои го претстравуваа тимот на светот.

На крајот славеа Американците, а Федерер на прес-конференцијата по мечот зборуваше и за односот со Надал.

– Не знам како дојдовме до тука, бевме многу поврзани во последните 10 години. Не знам дали ме промени тоа што станав татко, а се надевам дека и Рафа се чувствува исто. Ги донесовме семејствата тука во Лондон, значи Надал не дојде само за да игра на Лејвер купот. Можам да ја почувствувам нивната страст кон мене, за многу работи имаме причини да се радуваме. Ќе му дадам и по некој совет за воспитувањето на децата бидејќи не е лесно.
Ќе уживаме во работите кои се пред нас – изјави Федерер.

ВИДЕО: Човек си ја запали раката среде тениски меч на „Лејвер купот“ во Лондон!