Федерер: Имав кошмари по поразот во финалето на Вимблдон
Рожер Федерер по пауза од еден месец се враќа на тениските терени. Тој ќе игра на Мастерс турнирот во Синсинати, и ова ќе биде негов прв настап по поразот од Новак Ѓоковиќ во епското финале на Вимблдон во кое пропушти две меч топки и тоа на свој сервис.
– Не ми беше лесно, во првите неколку дена треба да ви стане јасно што се случи, бидејќи победата беше толку блиску. Имав кошмари, во главата постојано го повторував финалето и ги барав грешите и моментите во кои требаше да реагирам многу подобро.
Но кога ќе се вратите на тренинзите и напорната работа, ќе заборавите. Тоа е единствениот начин тие сцени да престанат да ве следат во мислите. Тоа е реалноста, победите не ги паметите толку колку поразите, но јас едвај чекам повторно да играм против Ѓоковиќ. Максимално сум подготвен за мојот камбек на терените, да покажам колку можам – рече Федерер.