Потпретседателот на Тениската федерација на Германија, Дирк Хордорф, го обвини Рожер Федерер дека ја искористи својата позиција во Советот на тенисери во АТП за да го промени системот на бодување и така да се заштити.

Поради пандемијата на коронавирирусот која предизвика петмесечна пауза во тенисот, АТП одлучи да ја „замрзне“ ранг листата се до продолжението на натпреварите од средина на август.

Исто така е направен и нов систем на бодување по кој се гледаат најдобрите 18 резултати на тенисерите во период од 22 месеци, наместо стандардните 12 месеци.
Хордорф тврди дека до овие измени е дојдено по притисокот и влијанието на Рожер Федерер кој оваа година играше само на еден турнир, Австралија Опен, а со новиот систем на бодување тој остана на петтото место на АТП ранг листата.

– Рожер го промени системот на рангирање за да се заштити себе си. Тоа е неодговорно и некоректно. По мое мислење, Рожер ги користи предностите кои ги има во Советот на тенисери во АТП. Никој не зборува за ова но без сиве овие промени во начинот на бодубање, Рожер Федерер не би бил ниту во топ 50 најдобри тенисери на ранг листата – изјави Хордорф.

?Clap sur cette saison 2020.

⬅️A gauche, le classement officiel ATP.
➡️A droite, le classement uniquement basé sur les résultats de 2020.

?Classement officiel favorable
?Classement officiel = 2020
?Classement officiel défavorable pic.twitter.com/U1V2AX52iw

— Jeu, Set et Maths (@JeuSetMaths) November 22, 2020