Федерер експресно во четвртфиналето
Големата тројка во тенисот без проблеми ита кон завршницата на Вимблдон. Последен кој обезбеди пласман во четвртфиналето е Рожер Федерер кој му препушти само пет гемови (6:1,6:1,6:2) на 17. носител Матео Беретини.
Негов противник во четвртфиналето ќе биде Јапонецот Кеи Нишикори кој во четири сетови го елиминира Михаил Кукушкин. Нишикори славеше со 3:1 и тоа со 6:3,3:6,6:3,6:4.
Вистински маратон одиграа Милош Раониќ и Гвидо Пеља, а на крајот победата ја однесе Аргетинецот кој успеа да се врати по негатива од 0:2 во сетови. Пеља славеше со 3:6,4:6,6:3,7:6,8:6 и во четвртфиналето го очекува пресметка со Шпанецот Роберто Баутиста Агут.