Роже Федерер денеска дојде до првиот триумф на Мастерсот во Лондон со победата над Матео Беретини, откако во првото коло од групата Б загуби од Доминик Тим.

Швајцарецот во четврток го очекува пресметка со Новак Ѓоковиќ во третото коло, а тоа воедно ќе биде прв меѓусебен дуел по епското финале на Вимблдон.

– Возбуден сум што ќе играм против Новак. Дуелот на Ѓоковиќ и Тим ќе ми даде нови информации за неговата игра и тоа што ќе ме очекува во нашата пресметка – вели Федерер кој истакна дека е задоволен од денешната победа, но и дека мора да игра подобро во четврток.

– Необично е да се изгуби и повторно да се игра на ист турнир, но истото ми се случи и минатата година, така што имам искуство. Задоволен сум како одиграв денеска, но и дека ќе мора да играм малку подобро.