Федерацијата го аминува договорот на екипите и кошаркарите - Слободен печат
КошаркаСпорт

Федерацијата го аминува договорот на екипите и кошаркарите

Прифатен е предлогот на клубовите, ќе нудеше задржување на старото правило до плеј-офот, а потоа укинување на сите ограничувања за настап на странци по завршувањето на Супер-лигата.

Кошаркарската федерација на Македонија (КФСМ) објави дека е постигнат договор за решавање на нсогласувањата помеѓу клубовите и здружението на професионални кошаркари. Прифатен е предлогот на клубовите, ќе нудеше задржување на старото правило до плеј-офот, а потоа укинување на сите ограничувања за настап на странци по завршувањето на Супер-лигата.

„По иницијативата на Здружението на прволигаши за промена на членот од Регистрацискиот Правилник за минимален број на домашни играчи на терен во текот на целиот натпревар, Кошаркарската федерација на Северна Македонија организира неколку состаноци на кои покрај раководството на КФСМ присуствуваа и членови на Асоцијацијата на кошаркарски играчи и претставници од клубовите кои (ќе) се натпреваруваат во Прва лига мажи.

По одржаните состаноци донесено е конструктивно решение кое ги задоволува интересите на играчите и клубовите и ќе придонесе за понатамошен развој на домашните кошаркари, ќе ги поттикне клубовите интензивно да инвестираат во младинските селекции, а при изборот на странски играчи критериумот за квалитет да биде на високо ниво.

Измената ќе гласи: Клуб од прва лига мажи да има право на пријавување и настап на најмногу 4 (четири) странски играчи во составот на еден натпревар, со настап не помалку од 2 (два) домашни играчи во игра на целиот натпревар до завршување на регуларниот дел, супер лигата и плеј-аут натпреварите. Во плеј-оф натпреварите (полуфинале и финале) како и во полуфиналните и финалниот натпревар во Купот нема да има ограничување на бројот на домашни играчи на терен во текот на целиот натпревар.

Правилото ќе биде процедурално процесирано низ структурите на КФСМ и ќе има неколкугодишна примена“, стои во соопштението на КФСМ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close