ФДА одобри брз и практичен тест за коронавирус, што ќе чини само пет долари

Американската Управа за храна и лекови (ФДА) издаде одобрение за итна употреба на брз тест за Ковид-19 на компанијата „Лаборатории Абот”.

Тестот е наречен „BinaxNOW COVID-19 Ag” и дава резултати во рок од 15 минути, а компанијата планира да го продава за пет долари. Комплетот за тестирање е исклучително практичен, па со изгледот и големината наликува на кредитна картичка, се додава  во соопштението од „Лаборатории Абот”.

Според клиничкото истражување, спроведено од компанијата во соработка со неколку водечки американски истражувачки универзитети, тестот „BinaxNOW” покажа чувствителност од 97,1 отсто (можност за прецизно идентификување на оние кои имаат вирус) и специфичност од 98,5 отсто (можност за прецизно идентификување на оние кои немаат вирус) кај пациенти за кои постои сомневање дека биле заразени со Ковид-19 во првите седум дена по појавата на симптомите.

Прочитајте и...  До крајот на неделата не очекуваат дневни температури до 26 степени

-Масовната употреба на овој тест ќе им овозможи на десетици милиони луѓе пристап до брзо и сигурно тестирање, изјави епидемиологот Џозеф Петросино од Медицинскиот факултет Бејлор.

Класичните лабораториски тестови, според него,  имаат одлична чувствителност, но мора да се почека неколку дена или подолго за да се добие резултат.

-Брзиот тест за антиген ќе го добие резултатот веднаш и ќе спречи натамошно ширење на вирусот, додаде Петросино.

„BinaxNOW COVID-19 Ag” е наменет за квалитативно откривање на антигени од САРС-КоВ-2 во брисот што здравствените работници го земаат од носот на пациентот во текот на првите седум дена по појавата на симптомите. Примероците не се испраќаат во одделни референтни лаборатории, туку веднаш се анализираат на лице место во вирусниот транспортен медиум вклучен во комплетот за тестирање.

Прочитајте и...  Никој пет пари не дава за шествалентниот хлор од Југохром

Компанијата планира да испорача десетици милиони тестови во септември и да премине на 50 милиони тестови месечно на почетокот на октомври.

Поврзани вести

Армијата на Чешка започна да гради привремена полска болница во Прага (ВИДЕО)

Пензионерите излегоа на протест и контрапротест против Лукашенко (ФОТО+ВИДЕО)

Отворен памптрак велодром во вториот дел од Градскиот парк (ФОТО)

Слободен печат

СЗО со порака до властите: Ставајте ги контактите во изолација (ВИДЕО)

Слободен печат

Таравари: Ако на локалните избори ДУИ коалицира со СДСМ, ние ќе коалицираме со ВМРО-ДПМНЕ

Слободен печат

Единаесет лица ја загубија битката со коронавирусот во Грција, 438 новозаразени

Слободен печат

Остави Коментар