ФДА го паузира вакциниањето со „Џонсон и Џонсон“ во САД поради шест случаи на мозочна синусна тромбоза

epa09132515 Boxes of Janssen vaccines sit at a warehouse of Hungaropharma, a Hungarian pharmaceutical wholesale company, in Budapest, Hungary, 13 April 2021, after the arrival of the first batch of the Johnson & Johnson, US, made one-dose vaccine against COVID19 in the country. The first shipment contains 28 thousand doses of Janssen. EPA-EFE/Szilard Koszticsak HUNGARY OUT

Американските здравствени власти повикаа да се запре со употребата на ковид вакцината на „Џонсон и Џонсон“ поради неколку случаи на згрутчување на крвта. Агенцијата за храна и лекови (ФДА) кажа дека ова го прават од претпазливост.

„Центарот за контрола и превенција на болести истражува шест случаи на редок, но сериозен тип на тромбоза кај поединци кои ја примиле оваа вакцина. Засега се чини дека овие несакани ефекти се крајно ретки. Предлагаме пауза во употребата на вакцината од претпазливост“, објави ФДА на Твитер, додавајќи дека станува збор за мозочна синусна тромбоза.

Според ФДА, овој тип на тромбоза бара поразлично лекување од вообичаено, при што лекувањето со коагулантот „хепарин“ би можело да биде опасно.

Според „Њујорк тајмс“, сите шест случаи на тромбоза се кај жени на возраст од 18 до 48 година, при што една починала, а друга била во критична состојба.
Досега се регистрирани шест случаи на тромбоза меѓу дадените 6,8 милиони дози од оваа вакцина, која засега се користи само во САД. Ова следува по слични ретки случаи со вакцината на „Астра-Зенека“, што доведе до нејзино ограничено користење во низа земји.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот